News

Schools

School of Information Technology

Read more

Technical Academy

Read more

School of Design and Handicraft

Read more

School of Master Craftsmanship

Read more

Instagram

View on Instagram

Open post by tskoli.is with ID 18084705172689709

Gleðilegan þjóðahátíðardag 17. júní 2025
~
Ríkisfáni Íslands blaktir við hún á Hrafnseyri við Arnarfjörð 🇮🇸 Jón Sigurðsson fæddist þar á prestssetrinu á Hrafnseyri í Auðkúluhreppi 17. júní 1811.
~
Um land allt má nú sjá þjóðarblóm Íslands, holtasóley, í miklum blóma. Það var í kosningu árið 2004 sem holtasóley var kosin þjóðarblóm landsins. En til gamans má geta að blómin blóðberg og gleym-mér-ei hlutu einnig góða kosningu 🍀

Open post by tskoli.is with ID 18058937072227212

Ljósmyndir af útskriftarnemendum Tækniskólans eru komnar í flickr. albúm skólans. Sjá hlekk 🔗 í athugasemd við þessa færslu 📸

Hægt er að hlaða niður myndum í gegnum vafra í tölvu, en ekki í gegnum síma 😇

Open post by tskoli.is with ID 18069504484947745

Kristinn Hrafn Daníelsson útskrifaðist af tölvubraut Tækniskólans á laugardaginn 👏👏👏
◇
Það voru áhugaverðir áfangar á brautinni sem vöktu áhuga hans á náminu. Áfangar eins og vefforritun, kerfisstjórnun og ekki síst keppnisforritun 🏆
◇
„Mér fannst tölvur skemmtilegar og hafði aðeins fiktað í forritun í grunnskóla. En þegar ég sá að það væri sérstakur áfangi í keppnisforritun vissi ég að ég yrði að fara í hann. Ég er með smá keppnisskap. En ég bjóst aldrei við því að keppnin myndi leiða mig svona langt – eða að það væru beinlínis Ólympíuleikar í forritun!“
◇
Á fyrsta ári tók Kristinn þátt í Forritunarkeppni framhaldsskólanna í Háskólanum í Reykjavík, þar sem hann og liðsfélagarnir Þórbergur Egill og Artjom Pushkar sigruðu Delta-deildina fyrir byrjendur. Í framhaldinu fékk Kristinn boð um að taka þátt í æfingum hjá Keppnisforritunarfélagi Íslands, sem heldur utan um undirbúning fyrir þátttöku Íslands í alþjóðlegum keppnum. Síðan þá hefur hann keppt á Norðurlandaólympíuleikum, Eystrasaltsólympíuleikum og Alþjóðlegu Ólympíuleikunum í forritun og ferðast með íslenska hópnum til Egyptalands, Ungverjalands, Austurríkis, Póllands, Litáens og Danmerkur 🌍
◇
„Í gegnum keppnisforritun áttaði ég mig á því hvað mig langar að læra í háskóla. Keppnirnar vöktu áhuga minn á gagnagreiningu, reikniritum og strjálli stærðfræði. Ég stefni á BS-gráðu í tölvunarfræði með áherslu á strjála stærðfræði – líklega í Háskóla Íslands eða Háskólanum í Reykjavík.“
◇
Meðal minninga sem standa upp úr frá skólagöngunni er ferð til Kanaríeyja þar sem hópur nemenda tók þátt í Makeathoni – nýsköpunarkeppni 😎
◇
Ítarlegra viðtal við Kristinn Hrafn má lesa á vefsíðu skólans www.tskoli.is 👈
◇
Til hamingju með útskriftina 🫶

Open post by tskoli.is with ID 18056344877352857

Hver og einn útskriftarnemandi hefur sögu að segja. Takk fyrir að segja okkur þína sögu Ylfa 🫶
◇
Ylfa Ásgerður útskrifast af hönnunar- og nýsköpunarbraut Tækniskólans. Hún er Vesturbæingur og gekk í Waldorfskólann Sólstafi þar sem mikil áhersla er lögð á skapandi greinar. Ylfa er einstaklega fjölhæf og skapandi, semur texta, þjálfar hunda, heklar, saumar, málar og teiknar. Þessa dagana eru það tónsmíðar sem heilla mest en hún lærir tónfræði með ömmu sinni, Ellu, sem var skólastjóri Tónlistarskóla Húnaþings vestra.
◇
„Það eru gæðastundir að læra með ömmu Ellu.“
◇
Ylfa hefur einnig ástríðu fyrir íþróttum og hefur stundað sund frá unga aldri. Hún keppir í þríþraut, hefur lokið þjálfararéttindum og starfar sem yfirþjálfari sumarsundskóla Ægis. Megnið af skólagöngunni í Tækniskólanum æfði hún allt að átta sinnum í viku og segir íþróttirnar hafa haft jákvæð áhrif á nám sitt.
◇
„Íþróttir hafa kennt mér aga og hjálpað mér að nýta tímann. Þær styðja við námið – taka ekkert frá, bara bæta við.“ 💪
◇
Ylfa valdi Tækniskólann bæði vegna námsins á hönnunar- og nýsköpunarbraut og vegna afa síns, Aðalsteins Ómars Aðalsteinssonar, sem nam rennismíði í Tækniskólanum og síðar í Meistaraskólanum. Hún segir námið henta vel þeim sem hafa sköpunargáfu og áhuga á handverki og hönnun, en vilja jafnframt ná sér í stúdentspróf 👌
◇
„Þetta er góð blanda af bóklegu og verklegu námi. Gull- og silfursmíði stóð sérstaklega upp úr, þar ég fann sterka tengingu við minningu afa míns. Hann var algjör snillingur, vinnufélagar hans kölluðu hann töframanninn.“
◇
Til hamingju með útskriftina Ylfa 👏👏👏

Phone number: +354 514 9000

[email protected]

Open: 8:00–15:00

Fyrir starfsfólk

English