Starfsnám á Erasmus+ styrk í Hollandi

Starfsnám Birgis er hjá Mio Sieraden gull- og silfursmíðaverkstæði sem er vel staðsett í Amsterdam. Námið og vinnan fer fram á verkstæðinu og í versluninni undir umsjón gullsmíðameistara. Hann fær að fást við margs konar viðgerðir með ýmsum málmum og gimsteinum og einnig vinna að mörgum verkefnum að beiðni viðskiptavina.

Birgir Freyr er ánægður með þetta tækifæri til starfsnáms í Hollandi og sendi okkur meðfylgjandi myndir af verkum sínum, verkstæðinu og frá Amsterdam. Með Era­smus+ styrk fara á hverju ári nem­endur og starfs­fólk í alþjóðleg verk­efni, erlendar heim­sóknir, starfsnám og skiptinám á vegum Tækni­skólans.